مسجات شكر وثناء
لو ضاقت الدنيا على راعي الطيب....يبقى شذى طيبه على الناس طايب.....
للغيم في صدر الثرى صوت ترحيب...و الطيب هو فعلك يا راعي النجايب...
و في كل يوم تشرق الشمس و تغيب..يبقى (....؟.....)و الكل غايب.....
طيبك غشاني و الوفى في مباديك....واضح مثل بدر السماء في مداره.....
أكذب على نفسي إذا قلت ما أغليك...و أكذب عليك إن قلت مالك وقاره...
لقيت فيك الطيب من غرس أهاليك...و لقيت في موقفك حس و أصالة....
هني من عاشر من الناس شرواك...في ذمتي يعيش و الرأس مرفوع.....
تبقى عزيز و تعجبني مزاياك.....يالي بيمناك أجزل الطيب مطبوع.....
عسى البلاوي و المصايب تعداك....تصيب ناس عنهم الطيب مقطوع....
صعب جداً تلاقيني أنا جوهر بحر مكنون....أنا لو تقلب الدنيا صعب جداً تلاقيني..
جمالي من حلا روحي و كل الزين من زيني....تصدق عاد يا خلي أنا كلي بكل وصفي بكل زيني..عجزت أوصف"""ربع زينــــــــــك""""
بعض العرب وأن غاب ما عنه منشود.....يعني على ما قيل ما هو فقيده.....و بعض العرب شرواك لا غاب مفقود....ننصاه لو قالوا دياره بعيده.....تستاهل التقدير يامنبع الجود...تبقى عزيز و غالي ولك صفات عديدة....
راح الزمن اللي به الناس وافين.....و جانا زمان ليتني ما لحقته......
اللي تعرفنا عليهم كثيرين....و محدن خذا قلبي مثل ما أخذته.....
إسمك وهو أسمك على الرأس والعين....و قدرك لو أقدر أجمعه ما حصرته...
جمرة وفا شبيتها لأزرق العود..... من شان تبقى ريحته فيك تختال....
و شبيت نار سامرت نفحة النود....وولمت لك دله و صبيت فنجال.....
روح المحبة ترتمي فيك و تعود.....و تحن لك لبطيت ""ياطيب الفال""
يا مرحبا باللي يراسل على ذوق....حرك شجون القلب و أخضر ربيعه.....
مانسى محبيني لو الوقت به عوق....وراعي الوفا نشريه ما حنا نبيعه.....
أبشر بعزك لو تبي النجم من فوق....تامر على روحي وهي لك مطيعه....
لك في وسط القلب شيوخ و قبايل.....يمشون تحت أمرك علي ما بغيته.....
أضرب بهم ضلع الجبل و يتهايل.....و أقطع بهم عرض البحر لا نويته.......
أنت الملك و المملكة و القبايل...و أنت الخوي اللي أبد ""مانسيته""
هلا بصاحب عزة النفس و الجود.....اللي تسعد النفس ساعة وصالة.....
لو يبتعد عنا على البال موجود!!!!ذكره على الخاطر برغم إنشغالة....
وافي ولا به من العذاريب منقود....جعل السعادة عبر الأيام فاله......
مشكور ياللي خصنا بإهتمامه...عمرك طويل و عمر منهو موصيك.....
قد قالوا الطيب يبين بكلامه...و أنت اتصالك و اهتمامك مزكيك....
مثلك غصب يفرض علينا إحترامه..طيبك و عطفك يجبر الناس تغليك....
السلام عليكم ورحمة الله وبركاته
عجزت الكلمات تعبر
عن مدى الجميل و العرفان
اللي بدر منك تجاهي
ما ينساه إنسان
عمل المعروف يدوم
و الجميل دايم محفوظ
لا تفكر في يوم أنسى
أنك وقفت جنبي على طول
يا طيور المحبة زوريه
وعن شكري له خبريه
و قوليله عنك ما نستغني
لو نلف العالم و اللي فيه
أنا عمري ما شكرت إنسان
لأن المعروف صعب تلاقيه بهالزمان
إلا في قلب صافي ولهان
يحب يساعد كل إنسان
كلمة شكراً ما تكفي
و المعنى أكبر ما توفيه
لو بيدي العمر أعطيه
أعبر له عن مدى شكري
الإثنين سبتمبر 06, 2010 6:31 pm من طرف ghali-adam
موضوع: رسائل شكر و تهاني 
